نكت مغربية 2011

السلام عليكم ورحمة الله تعالى وبركاته

1. واحد المرا كتفرج هي وراجلها في مسلسل ميكسيكي مترجم بالدارجة. وفي لحظة رومانسية الراجل شاف فمرتو وقال ليها قلبي، ابتسمت وجاوباتو نعم أ مومّو قلبي. و هو يقول ليها

قلبي للجزيرة ولا نقلب والديك مع الارض

2. هادا واحد مشى يخطب. ملي سولو بات العروسة فاش خدام كاليه دريدور.

نوض بات البنت الحيحة باش يزوجهم، قال مع راسو ضروري هادا شي شخصية مهمة وما خاصنيش نفلتو.

ملي مشاو عند العدول، سولوا العريس: فاش خدام؟

قال ليهم العريس: دريدور نعام اسيدي

قالوا ليه العدول: اشنا هي هاد الخدمة؟

...قال ليهم العريس: الدريدور ملي نعام اس كتعجن الشباكية وكطيب، كندردر من فوقها الجنجلان

3. واحـد السيد نسيبــتو دارت كسيدة

ضرباتــها تمـوبــيل سولــوه : هــي دارت كسيدة وانت مال شـــلاقـــمك كـــحلين ؟قــــاليهم : شبـــعت

بوســـان في الروايـــض

4. واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟

جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا

داز على التلاميد كلهم حتى وصل عند واحد العايق سولو: باش تغديتي؟

هو يقول ليه: بمسكة

وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها مضغ مضغ مضغ مضغ

5. واحد لعروبي راكب على سيارة بتاعو...وقفو البوليسي و طلب منو لوراق حيت حرق الضو ...تزايدو في الهضرة ضريو لعروبي و مات البوليسي...و خونا عايط لــ 19 ( أي للبوليس) في البرتابل : ألو 19!!! واش نتوما الـــ 19 ....قالو ليه: نعم حنا 19 . قال ليهم : بقيتو غير 18

Posted in: نكت مغربية