نكت علاااام

السلام عليكم

هادا واحد السيد كلا بزاف ديال الكرموس لمهم خونا فالله تعصم دخل لبيت الراحة هو يتعطل بزاف بقا كيتعصر، واحد لوقت لمدام ديالو نسات واش كاين في طواليط .. او هي طفي ضو، هو ايقول ليها نعيمااااااا واشطفيتي الضو قالت ليه اه انا اللي طفيتو هو ا قول ليها:
حرام عليك كنسحاب غير عينيا تفركعو

واحد كايطلب الفلوس، جبلي ماكايكلش البيصارة، فاسي مافيهش
العياقة،رباطي يوريك الرباط بلا ما يتلفك، كازاوي ماكايحملش الطليان،
تطواني ظريف، طنجاوي كايبغي تمارة، جديدي ماكاياكلش الدلاح، وجدي ما
كايرببش، ريفي ماعندوش المرسديس، مراكشي زعر،صحراوية رقيقة، كتامي
......ماكايكميش الجوانات،خنيفري ماكايبغيش الشيخات. غربا...وي ماكايسكرش ،زيلاشي ماعندوش الصنارة، صويري مازال ماباعش دارو
واحد
قالو ليه غادي تدير لينا اشهار ديال روايد . قالو ليه غادين نخشيوك وسط
روايدا و ملي تخرج منها قول : عجلات السلامة الصح و المتانة قال ليهوم صافي
ملي خشاوه ف رويدا و بقات كات دوور خرج منها دااااايخ و هو يقول لنظافة
اكيدة رايبي جميلة
6
قاليك هاذا واحد السيد جبد عقد الزواج ديالو و بدا كيحنزز فيه واحد شويا جات مراتو قالت ليه: مالك احبيبي من الصباح انت كتشوف في العقد ..
قال ليها كنقلب على تاريخ انتهاء الصلاحية
* واحد مكلخ دار إيدو ف الما القاطع و دابت ليه. هو يدخل راسو باش يقلب عليها
* هادا واحد مريض امشي عند اطبيب قالوا انا عندي مرض النسيان قالو فوقاش ابداك هاد المرض .قالو اشمن مرض؟؟؟؟؟؟
*هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.ناضوا كاملين إلا واحد. سولوه: نتا ما كاتخافش من مرتك؟قال ليهوم: راه قالت لي سير للقهوة وما تحركش حتى نجي

*واحد خينا راسو كبيييييييير..ركب في التوبيس بقا تيغني اغنية ديال الدراري الصغار وتيميل براسو مرة يمين ...ومرة شمال ..

(( عندي بااااااااابا.....عندي ماااااااااااااما ....ديما معااااااليا ...حتى في النوووووووووم 

البوليسي حبس الشيفور ديال التوبيس ..
...
قالو :عندك 400 درهم خطية

الشيفور :علاش؟ ياك لاباس؟

البوليسي: ره التوبس تيميل مرة على ليمن ومرة على ليسر

الشيفور : وراه واحد بو راس كبييييييير ..يخليها ماركة...الله ياخد فيه الحق ..

صاحبنا بو راس كعا ..

قالو: ياك....تتعيرني ....

غا هو التوبيس زاد شوية وبدأ يغني ليه أغية

(( الكناوي ....ناوي ناوي ناوي...الكناوي يا سداتي
*

________________________________________
________________________________________
هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو
________________________________________
________________________________________
برغوت وبرغوتة كانوا ف السينيما. ملي سالى الفيلم و بغاو يمشيو للدار، قال البرغوت للبرغوتة: فيك ما يتمشى أولا نركبوا شي كلب؟
________________________________________
________________________________________
هادا واحد البورطابل دار مع واحد البوطابلة باش يتلاقاو، ساعة تعطل عليها
قالت ليه البورطابلة: أش هاد التعطيلة؟
قال ليها البوطابل: واحق الريزو اللي بناتنا إيلا غي كنت كنتشارجا
هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نجي
________________________________________
________________________________________
هادا واحد مشات ختو تولد وشداتو الخلعة وتالف. سولوه: أشنو غادي يتزاد عندكوم؟
قال ليهم: إيوا هاد الساعة مازال ما عرفت واش غادي نولي خال أولا خالة
هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية
هادا واحد مبوق سولوه: أشنو رأيك ف الزواج المبكر؟
قال ليهم المبوق: زعما أشمن ساعة بالضبط؟
هادا واحد مبوق بزاف. مشى عند البوليس وقال ليهم: الله ياودي! إيلا ما سولت أنا ما تسولوا نتوما؟
واحد الولد سول ماماه: ماما، أشنو كيعني ملاك؟
قالت ليه ماماه: الملاك مخلوق من نور وكيطير.
قال ليها الولد: وعلاش قال بابا للسكريتيرة ديالو يا ملاكي؟
قالت ليه ماماه: ما ديرش ف بالك، من غدا غادي تطير
________________________________________
________________________________________
هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو ورفع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي
________________________________________
________________________________________
واحد الشفار بغى يتوب وهو يسرق جوج سيديات ديال القرآن
________________________________________
________________________________________
واحد المرا دات ولدها عند الفقيه وقالت ليه: سي الفقيه، الله يرحم الواليدين إيلا ما علم ليا ولدي، راه الجامع ديال الدوار ديالنا بقى بلا فقيه. يالله هاني غادي نتسنى فيك قدام الباب حتى تسالي
________________________________________
________________________________________
واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟
________________________________________
واحد خينا بغا يشري ساعة لقاها غالية .هو يشري 5 دقائق


هدو جوج محششين دخلو لسينما وجلسو مر وحد الجوج كثار منهم وحد كال لصاحبو والله رجلي معرفت فين هي ودوك لمرهم وحد كال لخر نمشيو نخرجو قبل ميسموها فينا.
)))))))))))))))))))))))))))))))))))))))))))))))))))))))))))))))))))))))))))))))))
هادا واحد الكانبو طاح في بير وبقى يقول جبدوني جبدوني. رماولو حبل ومين جبدوه لقاوه ميت علاش؟
دار الحبل فعنقو

)))))))))))))))))))))))))))))))))))))))))))))))))))))


هادي واحد البنت وصلات المدرسة معطلة
قال ليها الاستاد: مالكي تعطلتي؟
قالت ليه: راه واحد كان كيتبسل عليا و تابعني
قال ليها المعلم: إيوا إيلا كان شي واحد تابعك غادي توصلي دغية ماشي تعطلي
قالت ليه: راه هو اللي كان كيتمشى بشوية


هادا واحد الزقرام كيقرا ف محو الأمية. سولو المعلم قال ليه: 60+60 شحال كتساوي؟ 
قال ليه السقرام : 120 
وهو يقول ليه المعلم: مالك البارح قلتي للمفتش 140؟
أو هو يقول ليه الزقرام: راه زدت عليه حيت هو ماشي من الكليان ديالي
هادا واحد الاستاد قال للتلاميد دياولو: غادي نوريكوم تلالة د الانواع ديال الكعيات
اتصل بواحد النمرة وجاوباتو واحد البنت قال ليها: كاين عمر؟
قالت ليه: لا ما كاينش، النمرة غلط
قال للتلاميد: هادي كاعية
اتصل تاني بنفس النمرة وجابواتو نفس البنت وقال ليها: كاين عمر؟
قالت ليه: قلنا ليك ما كاينش مالك مصدعنا
قال للتلاميد: هادي كاعية كتر
عاود اتصل بنفس النمرة وجابواتو نفس البنت وقال ليها : كاين عمر؟
قالت ليه:ما كاينش ألحمار وما تبقاش تعيط
قال للتلاميد: هادي كاعية بزااااااااااف
ناض واحد الولد قال ليه: أنا غادي نوريك الكعية ديال بصاح
ناض عيط لنفس النمرة وقال ليها: أنا عمر، عيط ليا شي واحد؟

تحياتي لكل المغاربة من طنجة الى الكويرة و الى كافة المسلمين اجمعين
ساقدم اليكوم اخواني اليوم نكت رائعة و مضحكة عل المنتدى الاروع بدون اطالة
سادخل مباشرة في النكت :
1.هدي وحد البنت مشت لعند لفقيه قالتلو وش زنا حلال ولا حرام قالها : يا ابنتي الزنا حرام او كيكون حلال غي بن المرة او رجلها....
او قالتلوا :ولا كان معك هدشي اسي الفقيه قالها : هي بغتي جنة ابنت الحرام هههه
2. هدا واحد الولد قال لي صديقه ماهي pourquoi بالعربية قال له الصديق لمادا قال له الولد سالتك فقط
pourquoi =لمادا

3.هدا ولد قال لي صديقه ما هي a domain يالعربية قال له الصديق حتى الغد قال له الولد لا قلي الان
a domain=حتى الغد

4.هدا واحد ضعيف بزاف ديما كالس حد الحمام لعرف علاش

بش لخرج مل الحمام اقلو الرجل بصحة و هدك لخرج مل حمام اقلو الله يعطيك الصحة باش اصحاح

5.هدا واحد الولد دائما يلعب الالعاب الكمبيوتر دائما قبل الفطور و قبل الغداء دائما.......
وعندما مات كتبولو GAME OVER

والى هنا نكون قد نتهينا


كلمة شكرا لن تزيد او تنقص من عمرك بل
ستحمسني الاعطاء الكثير

ربعه ديال صحاب تافقو يديرو قسارا واحد جاب شراب وواحد جاب لعشا و واحد جاب لبنات الرابع ما جاب والو صحابو جالوليه ماتقسرش معانا حتى تجيب شي حاجه مشى جاب لبوليس

________________________________________
________________________________________
الــولــد: أحــبــــك!
البنــت : و نــوووض
الولد: نموت عليك
البنــت: ونوووض
الــولد: نعشق فيك عشق هبال
.................. البنــت: و نــووووض
الولد: نتي كلش في حياتي
البنت: و نوووووووض
الولد: لامانقدرش نعيش بلا بيك.
البنت: و اتا نوووووووض
الولد: راني باغي نتزوج بيك
البنــت: بصح...؟! .....الــولد: وتــي نووضــي
________________________________________
________________________________________

واحد السكايري زعمة تاب و مشا يخطب وحد البنت مرف7ة ، قالو باباها : أنا عليا الدار ....
السكايري قالو و أنا عليا البنات و البيرة

________________________________________


________________________________________

هادا واحد لمرا مين كايمشي راجلها كادخل عليها لدار 3 ديال رجال (كاتفسد على راجلها) واحد نهار رجع راجلها على غفلى هوما يتخبعو فلخناشي. هوا يقوليها اشنو هادشي. هي تقوليه هادي تقدية جبتها . هوا يركل خنشا لولا هوا يسمع ''قوقو عوش" (زعما دجاج) .ركل لخنشة تانية سمع "باع" قاليها مزيان راكي جبتي حولي. ركل ثالثة ماسمع والو . بدا كايركل فيها كايركل فيها هوا يخرجلو راجل قاليه امال مك باطاطا كتهدر؟

________________________________________


________________________________________

هدا واحد مكلخخخخخخ كايقرا وماعمرو مهز صبعو .واحد مرا قاليه اوستاد وقف نتا.قاليه: واش آنآآ؟ قاليه ايه نتا، رسملو شجرا قاليه قولي شنو هادي قاليه : واش آنا؟قاليه اييه نتا شنو هادي.قاليه : سبورآآ؟ قاليه لا (دارسبعو حدا شجرة) هادي. قاليه صبعك؟ قاليه لآآا (هوا يجبد لعصا وداره فشجرا لرسم) قاليه هآآديييييي. قاليه لخوشبا؟ قاليه وايلا نجحتي اولدي بزق عليا. قاليه واش دابا؟ قاليه نوض خرج عليا. قاليه اوستآآاد ، عدنا عوطلآآآ؟؟؟؟

________________________________________


________________________________________

هدا واحد عصبي ڭـالس فالقهوة بغا إشعل ڭارو خصــاه بريكة بان لية واحد ڭالس فواحد طبلة و حاط بريكة هو إڭول معا راسو غـانود نطلبها ليه غاي إبدا إكترعليا ولا غي ڭوليا سيرشريها غن ســابو غي ڭوليا إنعل ممك غن صدق ضاربو بدا كي تغدد غير بوحدو هو ينوض عندو ڭاليه شتي ديك البريكة لبيتي تعطيني سير عطيها لمممك

________________________________________


________________________________________

هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناوح

________________________________________


________________________________________

جوج فراشات خارجات يدورو شافو سراق الزيت فالحيط قالو يخ ولاد الكاريان جاو

________________________________________



________________________________________

الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش

________________________________________


________________________________________

هادا واحد الراجل كيتسال لواحد شي فلوس شحال هدا وهو غابر عليه. واحد نهار تلاقى معاه قاليه: أرى ليا رزقي اللي كنتسالك
هو يقول ليه لاخر: عرفتي أش دير سير مع هاد الطريق غادي يبان ليك اربع شوارع 1 لا 2 لا 3 لا 4 دخل معاه غادي يبان لك 4 ديال دروبا 1 لا 2 لا 3 لا 4 دخل معاه غادي يبان ليك تاني 4 ديال العمارات 1 لا 2 لا 3 لا 4 دخل معاها غادي تلقا فيها 4 ديال طبقات 1 لا 2 لا 3 لا 4 دخل معاها غادي تلقى 4 ديال البرطمات 1 لا 2 لا 3 لا 4 غادي تلقى 1 سيد دخل معاه غادي تلقى 4 ديال البيوت 1 لا 2 لا 3 لا 4 ايه غادي تلقى 4 ديال المجورى المجر 1 لا 2 لا 3 لا 4 غادي تلقى مصحف جيبو ليا نحلف ليك بللي ماعندي حتى ريال

________________________________________


________________________________________

كاليك هدا واحد الدحش (حشاكوم) مشي كيجري عند مو كالها ماما ماما وليت حمار كالتلو مالك كنتي مهنديس ههههههههه


واحدالولد عايش فالطاليان وتزوج تما ملي رجع المغرب جاب معاه مراتو طاليانية ومشا يشوف باه فالعروبية.. ملي جلسو الطاليانية بدات كاتبوس فراجلها قدام باه و هو حشمان وماحاملش الديكور هو يقول لباه : ماتديش عليها أ الواليد راه غير كافرة بالله هادي.. هو يقول ليه : الكافرة بالله هي أمك أوليدي

________________________________________
________________________________________
هادا وحد المسخوط دعاة عليه مو قالت ليه لله يعطيك شي كية قال ليها تكون مازوط الوليدة لصانص غالي
.
________________________________________
________________________________________

واحد..... حلم وهو ناعس انه كيفرق فلفلوس و مني فاق حلف ما عمرو ما يعاود ينعس

________________________________________
________________________________________

قلك اخترعو مكينه كتشد الشفارة جربوها في أمريكا في ساعه شدت 20 و في المانيا 
في نصف ساعه شدت 50 و في فرنسا شدت 100 وجربوها عند المغاربة في ربع ساعه 
شفروها

________________________________________
________________________________________

هذا واحد الراجل كان غادي في الزنقة وقفات عليه واحد الشوافة وقالت ليه عطيني 
غير 100 درهم و نقول ليك اشنو عندك قال ليها كون كنتي كتعرفي بالصح كون 
عرفتي بلي ماعندي دابا حتا ريال في جيبي

________________________________________
________________________________________
كريم الغلاب وياسمينة بادو راكبين فطيارة،كريم قال لياسمينة غادي نلوح 100درهم نفرح بها شي مغربي (لي غادي يلقاها) ياسمينة قالتلو غادي نلوح 500 درهم انفرح 5 دلمغاربة.. سمعهم واحد لمسخوط راكب معاهم قاليهم: غادي نلوح مكوم بجوج و نفرح 40 مليون مغربي
________________________________________
________________________________________

المعلم :هل تعرفون من هو المنافق؟التلميذ:نعم يا أستاذ ،هو التلميذ الذي يدخل من باب المدرسة مبتسماً

________________________________________
________________________________________

واحد الخايبة قالت لواحد الراجل شفتي انت كون كونتي راجلي كون وكلتك السم.....قاليها شفتي انتي كون كنتي مراتي كون كليت السم لرّاسي

________________________________________
________________________________________

هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم. رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي

________________________________________
________________________________________

دري مشا عند واحد الدرية لدارهم كيراجعو الدروس ديالهم باش يستعدوللإمتحان تعطلوا في المراجعة حتى قرب يطلع الصباح طلبت منوا باش ينعس عندهم حيت مبقاش لوقت باش يمشي لدارهم المهم نعست حداه ودارت بينهم مخدة زعما....مع الصباح فاقو معطلين مشاو كيجريو لمدرسة لقاوالباب تسد قاليها متخافيش غادي نقزو السور ... ......قالت ليه مقدرتي تنقز حتى المخدة , بقا ليك غير السور

________________________________________
________________________________________


عجوز ضعيفة البصر مسكينة شافت "سراق الزيت" كلاتو و قالت:الله يعز المخزن اللّي ولاّ يدير لينا المايونيز في التمر


________________________________________
________________________________________

واحد مربي الدجاج ,دخل واحد النهار لقى كل دجاجة بايضة بيضة وحدة...
شد واحد الدجاجة من رجليها وقطعهم وقال ليهم اللي مغديش تبيض 3 ديال
البيضات غدا غادي نقطع ليها رجليها...النهار الثاني لقى كل دجاجة مبيض 3
لبيضات الا وحدة مبيضة غير 2, قالها واش مكتسمعيش, قالت ليه, انا فعارك
اسيدي راني فروج
________________________________________
________________________________________

معلم:احسب حتى العشرة بالانكليزي يا سامي: ون، تو، تري، فور، فايفء استغفر الله يا ربيء سكس، سيفن، ايت، ناين، تن

________________________________________
________________________________________

هادي واحد البنت عيطت لصاحبها في التليفون و قالت ليه مالين الدار مسافرين و الدار خاوية، و هو يقول ليها قراي القرآن أو متخفيش
________________________________________
________________________________________
المرأة تحب 4 حيوانات* ثعبان تصنع منه حقيبة* تمساح تصنع منه حذاء* ثعلب تصنع منه معطفا*حمار الذي سيشتري لها كلّ هذه الأشياء

________________________________________
________________________________________
واحد حالف مينعس حتى يحصل شكون تيحط ليه لعماش فعينيه باليل منين كيكون ناعس 
________________________________________
________________________________________
هذا واحد البليد مشى لسبيتار باش يدير سكانير لقا واحد خاينة و هو يسولو فبن 
جا السكانير قال ليه تلع فلسنسور صحيبنا طلع فالسنسور 
و بدا كيحيد فحويجو و ملي تحل باب ديال السنسور شفتو واحد الفرملية 
عريان و هي تخلعت وبدات تغوت قال ليها أويلي فياا الكونسيرررر
________________________________________
________________________________________
محشش شعل التلفزيون لقى المغنية وردة كتقول :بتونس بيــك قال المحشش : في
جهنم ان شاء الله . ردّت ورده : وإنت معاياقال :نـاري بنت لحرام سمعتني
________________________________________
________________________________________

جميع مسليات البنات كتبدا بحرف الميم :مكياج،ماسنجر،موضه...مطاعم......مسلسلات، ماركات ،مرايا ،ملابس ،مكالمات،ماعنديش روشارج ،مهند

________________________________________
________________________________________


قاليك هدا واحد غادي يدير العرس عرض على صحابو كاملين والعائلة كلها الا ماماه وباباه وهو يقوليه واحد صاحبو علاش ماعرضتيش علا والديك وهو يجاوبو لعريس : حيتاش هوما ماعرضوليش فعرسهوم
________________________________________
________________________________________
مكلخ" شرا بورطابل سامسونغ و سيفط ميساج لصاحبتو : ماتعيطيش ليا فنوكيا راه بعتو
________________________________________
________________________________________
هدا واحد لاستاد سول تلاميد ديالو قال لهم واش لبرد مدكر او لا مؤنت او هي تجوبوا واحد لبنت قالت له مدكر قال لها علاش قالت له ملي كن كون لبسة صاية كيهزهاليا
________________________________________
________________________________________
واحد محشش جات أ مو تفيقو ،نوض أوليدي راه شمش طلعت،قاليها دخليها أو سدي البا
________________________________________
________________________________________
هذا واحد السيد خطب وحدة اسمها جميلة و لكن هي مافيها مايتشاف. ملي 
دا الشهود معاه لعند العدول شافوها هما يهربوا قاليهم علاش هربتو قالوا ليه 
مانشهدوش الزور



وهناك المزيد



اضحكوا مع النكت المغربية


عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة

واحد مكلخ حل مصنع ديال التلج وسماه: مصنع الما الناشف

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا 

هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات

هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة

واحد مكلخ وصلو باه للمطار. الطريق كامل وهو كيقول: كون غير جبت التلفزة... كون غير جبت التلفزة 
مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟ 
قال ليهم: حيت خليت الباسبور فوق منها 


واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش

الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش